విటమిన్ ఇ

విటమిన్ ‘ఇ’ తప్పనిసరిగా ఆహారంలో ఉండాల్సిందేనని నిపుణులు స్పష్టం చేస్తున్నారు. కొన్ని రకాల వంటనూనెలు, పొద్దుతిరుగుడు, గుడ్డులోని పచ్చ సోన, ఆకుకూరల్లో, తృణధాన్యాల్లో ఎక్కువగా ఉండే విటమిన్ ‘ఇ’ వల్ల ఆరోగ్యానికెంతో మేలు కలుగుతుంది. విటమిన్ ‘ఇ’ శక్తివంతమైన యాంటీ ఆక్సిడెంట్గా పనిచేస్తుంది. శరీరంలోని కణాలను ఆరోగ్యంగా పనిచేసేలా చేస్తుంది. ‘ఇ’ విటమిన్ ఉన్న పదార్థాలను తరచూ తీసుకోవడం వల్ల రోగనిరోధక శక్తి పెరుగుతుంది. హానికారక క్రిములు, క్యాన్సర్ కణాల బారిన పడకుండా ఇది రక్షిస్తుంది. ఫ్రీ రాడికల్స్ను తొలగించి శరీరాన్ని ఆరోగ్యంగా ఉంచుతుంది. ముడతలు, చర్మం పొడిబారడం లాంటి సమస్యలు అదుపులోకి వస్తాయి. చూపు మందగించడం, అల్జీమర్స్ లాంటి సమస్యలు రాకుండా ఉండాలంటే ‘ఇ’ విటమిన్ని ఎక్కువగా తీసుకోవాలి. విటమిన్ ‘ఇ’ని ఆహారంలో చేర్చుకోవడం వల్ల గుండెపోటుతో పాటు హృద్రోగ సమస్యలు దూరమవుతాయి. అధిక బరువు సమస్య తగ్గుతుంది. ఒత్తిడిని నివారించడానికి ‘ఇ’ విటమిన్ ఎంతో ఉపయోగపడుతుంది.